Gellur & gervigreind
Gervigreind er alls staðar en hvar eru allar gellurnar?
Komdu á kvöldnámskeið og fáðu stuðning, pepp og innblástur til að komast af stað með gervigreind.
Marín og Anna Margrét starfa báðar hjá Almannarómi - miðstöð gervigreindar og máltækni. Þær vil sjá fleiri gellur komast inn í gervigreindarheiminn og byrja að nýta sér tæknina fyrir alvöru. Þannig skapast aukin valdefling, fjölbreytileiki og gelluleg orka sem gerir allt skemmtilegra og betra.
Þetta er námskeið fyrir gellur, haldið af gellum, með áherslu á að hafa bæði gagn og gaman af tækninni.
Erindi
Lipur samskipti, ríkt innsæi, lausnamiðuð hugsun og lyktarlaust prump: „Kvenlegu“ stjórnendaeiginleikarnir sem verða forskot í framtíðinni
Það sem stundum hefur verið kallað mjúkir eiginleikar (e. soft skills) eru gjarnan einkennandi fyrir kvenkyns stjórnendur. Sömuleiðis hefur tíðkast að upphefja andstæðuna, það harða og „karlmannlega“, sem einkenni góðrar stjórnunar.
Nú þegar gervigreind hefur á stuttum tíma gjörbreytt verkefnum okkar og stjórnun eru leikreglurnar allt aðrar. Í þessu erindi verður farið yfir hvaða lykilverkfæri kven- og kvárastjórnendur eiga nú þegar sem nýtast til að skapa forystuhlutverk í nýjum veruleika þar sem gervigreind er miðpunkturinn. Samtímis eru hin áður lokuðu tæknisamfélög að galopnast og út flæðir heill hafsjór af tækifærum.
Þær sem fiska sem róa!
Námskeið
Hvað?
- Almenn kynning á gervigreind og því helsta sem er í gangi í dag.
- Fjallað verður um ábyrga og örugga notkun gervigreindar.
- „Product thinking“ kynnt til leiks.
- Kynning á agentum og notkunartilfellum þeirra.
- Kynning á forritun með gervigreind og notkunartilfellum fyrir slíkri þróun.
- Þátttakendur fá sniðmát til að koma sér af stað.
- Þátttakendur þróa sínar eigin lausnir og kennari aðstoðar.
- Námskeiðinu lýkur með kynningu (annaðhvort frá kennara eða þátttakendum sjálfum ef þau eru til í það) á hugmyndum hópsins til að veita innblástur.
Fyrir hvern?
Konur og kvár sem vilja læra að nýta tæknina til að leysa raunveruleg vandamál.
Útkoma
Þátttakendur verða búin að setja upp agent eða þróa sitt eigið tól að námskeiði loknu og labba út með sniðmát til að halda lærdómnum áfram sjálf.
Hvað þarf að kunna, undirbúa eða koma með?
Engin reynsla af gervigreind nauðsynleg, en áskrift að mállíkani eins og Claude, ChatGPT eða „vibe-coding“ tóli eins og Lovable er nauðsynleg. Það er ekkert mál að setja upp slíka áskrift á námskeiðinu sjálfu. Allir þátttakendur þurfa að koma með eigin tölvu.